AmCham - АҚШ, Еуропа және Азиядағы ең ірі компаниялардың мүдделерін білдіретін жетекші бизнес қауымдастығы. Қауымдастыққа қатысушы компаниялар мен мемлекет арасындағы әріптестік қатынастарды белсенді дамыта отырып, AmCham Kazakhstan Қазақстан мен әлемдік қоғамдастық арасындағы сауда-экономикалық байланыстарды нығайтуға ықпал етеді және 200-ден астам мүшені біріктіреді.
«AmCham Директорлар кеңесінің құрамына кіру мен үшін үлкен мәртебе. Мені сайлап, қолдағандықтарын жоғары бағалаймын және Johnson & Johnson-дағы басқару тәжірибем мен денсаулық сақтау саласындағы сараптаманы қауымдастықтың стратегиялық дамуына пайдалы үлес ретінде қамтамасыз ету үшін бар күшімді саламын. Ұйым аясындағы бірлескен жұмыс іскерлік қоғамдастықты, жалпы ел экономикасын және Қазақстан тұрғындарының әл - ауқатын одан әрі нығайтуға ықпал ететініне сенімдімін», - деп түсіндірді Әділет Назарбаев.
Әділет 2005 жылы «Джонсон & Джонсон» ЖШС фармацевтикалық тауарлар бөлімшесі «Янссенге» қосылып, мансабын саласындағы өкіл ретінде бастады. Қызмет еткен жылдары ол сату және нарыққа қол жеткізу топтарында негізгі лауазымдарда болды. 2014 жылы Әділет Қазақстандағы Янссен басшысы лауазымына тағайындалды, 2019 жылдан бастап ТМД мен Украинадағы бизнесті дамыту бөлімінің басшысына дейін жоғарылап, компанияның аймақ елдеріндегі стратегиялық дамуына жауап берді.
2019 жылы ол халықтың денсаулығын қорғауға қосқан үлесі және елдің денсаулық сақтау жүйесін жетілдіруге белсенді қатысқаны үшін Қазақстан Республикасының Денсаулық сақтау министрінен «Денсаулық сақтаудағы кемелдік» («Денсаулық сақтау ісінің үздігі») алғысымен марапатталды. 2021 жылдың қаңтарында Әділет Янссеннің ТМД елдері бойынша директоры қызметін атқарды, ал 2024 жылдың басынан «Johnson & Johnson Kazakhstan» ЖШС тәуелсіз жергілікті заңды тұлғаны басқарды. Бірнеше жыл бойы Әділет Қазақстандағы AmCham қызметіне белсенді атсалысады. Ол Денсаулық сақтау министрімен және Министрдің орынбасарымен үнемі кездесіп тұратын зияткерлік меншік (Фармацевтика) бойынша AmCham Жұмыс тобын басқарады.
«Johnson & Johnson Kazakhstan» ЖШС туралы
«Johnson & Johnson Kazakhstan» ЖШС денсаулық сақтау саласындағы ең ірі компания Johnson & Johnson жаһандық корпорациясының бір бөлігі болып табылады.
Біз Janssen компаниясында ауру өткеннің еншісінде қалған болашақты құрудамыз. Біз бұл болашақты бүкіл әлемдегі пациенттер үшін шындыққа айналдыру үшін көп күш жұмсаймыз. Біз ғылымның озық жаңалықтарымен ауруды жеңеміз, емге қол жетімділікті арттырамыз және үмітсіздікті жүрек жылуымен емдейміз.
Біз ең көп пайда әкеле алатын медицина салаларына назар аударамыз: жүрек-қан тамырлары аурулары, зат алмасу және офтальмологиялық аурулар, иммундық-медициналық, жұқпалы аурулар және вакциналар, неврология, онкология және өкпе артериялық гипертензиясы.
Толығырақ https://www.janssen.com/